სასწავლო ცენტრი 2019 წლისთვის აშენდება, სადაც მეხანძრე-მაშველები პრაქტიკულ სწავლებებს გაივლიან.
3-სართულიანი შენობა სასწავლო-სიმულაციური დანადგარებით იქნება აღჭურვილი, რაც მეხანძრე-მაშველებისთვის პრაქტიკული სწავლების ინოვაციურ მოდელს შექმნის.
საგანგებო სიტუაციების მართვის სამსახური ვარშავის სახანძრო-სამაშველო სკოლასთან აქტიური თანამშრომლობის ფაზაზე გადადის, რაც სასწავლო ცენტრის აშენებას, აღჭურვილობის გადმოცემასა და მეხანძრე-მაშველების გადამზადებას გულისხმობს.
საგანგებო სიტუაციების მართვის სამსახურსა და ვარშავის მთავარ სახანძრო-სამაშველო სკოლას შორის შეთანხმება დღეს შედგა. შეხვედრას საგანგებო სიტუაციების მართვის სამსახურის უფროსის მოვალეობის შემსრულებელი შალვა ხუციშვილი და ვარშავის სკოლის წარმომადგენლები რაფალ მატუსკევიჩი და პოლკოვნიკი იაროშ ვოიჩეჰი ესწრებოდნენ.
