შინაგან საქმეთა სამინისტროს საგანგებო სიტუაციების მართვის სამსახურის თანამშრომლებმა ახმეტის მუნიციპალიტეტის სოფელ ქვემო ომალოში დაშავებული არასრულწლოვანი ვერტმფრენით თბილისში ჩამოიყვანეს.
საზოგადოებრივი უსაფრთხოების მართვის ცენტრ „112“-ში შევიდა შეტყობინება, რომ სოფელ ქვემო ომალოში 9 წლის ბავშვი გადაუდებელ სამედიცინო დახმარებას საჭიროებდა.
შესაბამისი სამედიცინო დახმარების მიღების მიზნით, შეტყობინების მიღებისთანავე დაიგეგმა სამაშველო ოპერაცია, რომელშიც საგანგებო სიტუაციების მართვის სამსახურის სამაშველო ჯგუფთან ერთად სასაზღვრო პოლიციის ვერტმფრენიც ჩაერთო.
