შინაგან საქმეთა სამინისტროს საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს ბაზას საქართველოს თავდაცვის ძალების წვრთნებისა და სამხედრო განათლების სარდლობის სამეთაურო-საშტაბო კოლეჯის 60-მდე მსმენელი ესტუმრა.
ვიზიტის ფარგლებში, კურსანტები მეხანძრე-მაშველთა საქმიანობას დეტალურად გაეცნენ და სახანძრო-სამაშველო სპეციალური ტექნიკა და აღჭურვილობა დაათვალიერეს.
სტუმრებისთვის ბაზაზე სიმულაციური მოქმედებები ჩატარდა, სადაც ურბანულ ხანძარზე რეაგირების, ქიმიურ, ბიოლოგიურ, რადიაციულ და ბირთვულ ინციდენტებზე რეაგირების, დაშავებულის ევაკუაციის და სხვადასხვა სახის სამაშველო სავარჯიშოები შესრულდა.
ღონისძიება კინოლოგთა სამსახურის მიერ სამაშველო ოპერაციის დემონსტრირებით დასრულდა.
