შინაგან საქმეთა სამინისტროს საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს ბაზას საქართველოს თავდაცვის ძალების წვრთნებისა და სამხედრო განათლების სარდლობის სამეთაურო-საშტაბო კოლეჯის მსმენელები ესტუმრნენ.
საგანგებო სიტუაციების მართვის სამსახურის თანამშრომლებმა, სტუმრებს მეხანძრე-მაშველთა საქმიანობის შესახებ დეტალური ინფორმაცია მიაწოდეს.
სტუმრებისთვის ბაზაზე სიმულაციური საჩვენებელი მოქმედებები გაიმართა, სადაც წარმოდგენილი იყო ურბანულ ხანძარზე რეაგირების, ქიმიურ, ბიოლოგიურ, რადიაციულ და ბირთვულ ინციდენტებზე რეაგირების, დაშავებულის ევაკუაციის, საცოც კედელზე სამთო და სხვადასხვა სახის სამაშველო სავარჯიშოები.
ვიზიტის ფარგლებში, კურსანტებისთვის, სახანძრო-სამაშველო სპეციალური ტექნიკისა და აღჭურვილობის გამოფენაც მოეწყო.
