შინაგან საქმეთა სამინისტროს საგანგებო სიტუაციების მართვის სამსახურის სასწავლო ცენტრში სახანძრო-სამაშველო ძალების დეპარტამენტის 22 მეხანძრე-მაშველი ცვლის მეთაურის საბაზისო მომზადების კურსს გადის.
სწავლება მოიცავს როგორც პრაქტიკულ, ასევე, თეორიულ სავარჯიშოებს. კურსის განმავლობაში მეხანძრე-მაშველები პირველადი დახმარების, ქიმიურ, ბიოლოგიურ, რადიაციულ და ბირთვულ ინციდენტებზე რეაგირების, ასევე, ხანძრის ქრობისა და საავარიო-სამაშველო სამუშაოების ახალ მეთოდებს ეუფლებიან.
სწავლებისას გამოყენებულია სახანძრო ავტოკიბე და ავტოცისტერნა. წვრთნები რეალობასთან მაქსიმალურად მიახლოებულ პირობებში ტარდება.
ცვლის მეთაურის საბაზისო მომზადების კურსი 7 კვირის განმავლობაში გაგრძელდება. სწავლების მიზანია ტაქტიკური დონის მეთაურების ცოდნის ამაღლება და ხანძრის ქრობის, ასევე, საავარიო-სამაშველო სამუშაოების ახალი მეთოდების შესწავლა.
